Connect with us

Lajme

Kryeprokurori i përkohshëm, Rama: Një zgjidhje të mirëkuptuar mes palëve

Published

on

Kreu i qeverisë Edi Rama në mbledhjen e grupit parlamentar të PS-së tha se Shqipëria është më afër se kurrë hapjes së negociatave me BE, dhe për këtë arsye do të kërkojë dhe për zgjedhjen e Prokurorit të Përgjithshëm të përkohshëm një mirëkuptim me opozitën.

“Përsa i përket bazës ligjore është mëse e qartë se si bëhet, por që për fat të keq ka krijuar përsëri një situatë moskuptimi me opozitën, që përfitoj nga rasti me thirrjen që ne ta shfrytëzojmë këtë moment për të eksploruar çdo mundësi mirëkuptimi dhe për të dalë me një zgjedhje të mirëkuptuar mes palëve të prokurorit të përkohshëm. Ne e kemi qartësisht mundësinë dhe të drejtën që ta zgjedhim prokurorin e përkohshëm me shumicën që kemi në dispozicion, por ashtu siç kishim mundësinë dhe të drejtën të hynim në zgjedhje pa i shtrirë dorën në mënyrë të vazhdueshme opozitës, dhe nuk e shfrytëzuam atë mundësi dhe të drejtë në emër të diçkaje më të madhe që është interesi kombëtar dhe publik, sot përsëri ne jemi shumica që e shikon këtë çështje jo me syrin e momentit, jo me qëllime të tjera përpos qëllimit strategjik të vendit tonë që është në radhë të parë i materializuar në çeljen e negociatave me BE. Për këtë arsye besoj se është një moment që nëse ka vullnet dhe largpamësi, ne mund ta shfrytëzojmë si pikënisjen e një procesi ndërveprimi dhe bashkëpunimi për të garantuar se Shqipëria, do të bëjnë për Shqipërinë gjithçka që kanë në dorë në funksion të çeljes së negociatave për në BE. Jemi më afër se asnjëherë, po deri në sekondën e fundit ne do të bëjm progres dhe çdo gjë që kemi në dorë për të mos i dhënë askujt asnjë alibi , asnjë justifikim, asnjë arsye që të ngurojë të ngreje dorën për të miratuar çeljen e negociatave”, tha Rama.

Ulsi Manja, kreu i komisionit të ligjeve, informoi më herët për procedurat e ndjekura kryeministrin dhe deputetët, dhe tha se afati për paraqitjen e kandidaturave nga radhët e prokurorëve skadon në orën 18.00 të 12 dhjetorit, pra të martën.

Rama ndërkohë informoi deputetët dhe për takimet që pati në Bruksel. “6-mujori i parë i vitit që po hyn do të jetë vendimtar për këtë vendim historik që i jep vendin tonë mundësinë të futet në një korsi të re në rrugën e anëtarësimit në BE. Ne morëm vlerësime shumë inkurajuese, lidhur me ecurinë e vendit tonë në të pesë drejtimet e përcaktuara nga Komisioni Europian si prioritete kyçe për Shqipërinë. Pa diskutim që edhe fillimi i procesit të vettingut me krijimin e institucioneve që do të kryejnë vettingun dhe nisja e zbatimit të ligjit të vettingut, janë një kusht tanimë i plotësuar që në ecurinë e muajve në vijim do japin pa dyshim rezultatet e para të nevojshme për të shtyrë jo vetëm zbatimin e reformës historike në drejtësi po dhe vendeve anëtarë të BE drejt një vendimmarrje pozitive”, tha Rama.
Burimi Top Channel

Continue Reading
Click to comment

You must be logged in to post a comment Login

Leave a Reply

Lajme

Vettingu në polici, 65 efektivë japin dorëheqjen

Published

on

Data 5 maj është afati i fundit për 11 mijë punjonjëist e Policisë së Shtetit, për të dorëzuar 3 formularët në kuadër të Vettingut, por duket se ende pa nisur procesi vlerësimit, 65 efektivë të rolit bazë dhe oficerë të niveleve të larta kanë depozituar kërkesat e tyre për dorëheqje.

Më tepër se 60 efektivë në Drejtorinë e Policisë së Tiranës, kanë dorëzuar kërkesat për t’u larguar nga radhët e uniformave blu. Një vendim i tillë duket se është marrë nga një pjesë e efektivëve, të cilët nuk kanë mundur ende të nisin procedurat e mbledhjes së dokumenteve.

Në Drejtorinë e Përgjithshme të Policisë, mësohet se janë mbi 5 oficerë që kanë dorëzuar kërkesat për largim. Prej një muaji ka bërë kërkesë për t’u larguar edhe ish-kreu i bluve në Berat, Dilaver Shima. Ai sqaroi se largimi shmang kontrollin, por nëse do ta shohë të arsyeshme për t’u rikthyer, do t’i nënshtrohet vlerësimit.

Zyrtarisht Policia e Shtetit dhe Ministria e Brendshme nuk kanë dhënë shifra të efektivëve që kanë kërkuar largimin.

Continue Reading

Lajme

Basha dhe Kryemadhi: Drejtësi gjysmake. Protestat do vazhdojnë

Published

on

Krerët e opozitës kanë reaguar për vendimin e sotëm të gjykatës së Shkodrës, ku 4 nga 11 të arrestuarit për protestën në Rrugën e Kombit u mbajtën në burg. Kreu i PD-së, Lulzim Basha dhe kryetarja e LSI-së, Monika Kryemadhi deklaruan se protestat për lirimin e personave të arrestuar do të vijojnë. Në reagimet e tyre pas vendimit të gjykatës, Basha dhe Kryemadhi e kanë cilësuar vendimin për lirimin e vetëm një pjesë të protestuesve si drejtësi gjysmake.

Në një reagim të ashpër, kreu i PD-së, Lulzim Basha tha se vendimi i drejtësisë ishte gjysmak. Ai tha se regjimi i Edi Ramës nuk mund të dënojë padrejtësisht popullin dhe premtojë se protestat do të vijojnë.

“Ky është thelbi i regjimit të Edi Ramës: burg për popullin që ngrihet kundër grabitjes, liri për kriminelët që mbajnë Edi Ramën me paratë e drogës dhe vota të blera. Ndaj protesta dhe qëndresa qytetare do të vazhdojë. Nga fati i kësaj beteje varet e ardhmja europiane e Shqipërisë. PD është në krah të njerëzve, është në krah të popullit”-, shkruan Basha në një reagim në Facebook.

Kryetarja e LSI-së, Monika Kryemadhi ka reaguar pas vendimit të Gjykatës së Shkodrës për lirimin e vetëm 7 nga 11 kukësianëve të arrestuar për protestën në Rrugën e Kombit.

Kryetarja e LSI-së, Kryemadhi shton se protesta do të vijojë deri në lirimin e çdo qytetari të arrestuar në mënyrë të padrejtë. “Ne do të jemi në krah të çdo proteste për të liruar kuksianët protestues, që sot janë simboli i qëndresës ndaj arrogancës së pushtetit. Beteja tyre me padrejtësinë është dhe beteja jonë! Me çdo kusht e me çdo mjet demokratik do të jemi në mbështetje të kuksianëve, deri në lirimin e çdo protestuesi dhe rishikimin e taksës për Rrugën e Kombit”,- shprehet kryetarja e LSI, Monika Kryemadhi.

Deklarata e plotë e Lulzim Bashës:
“Vendimi i sotëm për lirimin nga arresti të 7 prej kuksianëve të grabitur nga shtëpitë e tyre me urdhër të Edi Ramës, është arritje e protestës dhe rezistencës së qytetarëve. Por kjo drejtësi gjysmake është në fakt padrejtësi, sepse 4 kuksianë mbahen në qeli, ndërkohë që trafikanti ndërkombëtar i drogës Sajmir Tahiri është në parlament.

Ky është thelbi i regjimit të Edi Ramës: burg për popullin që ngrihet kundër grabitjes, liri për kriminelët që mbajnë Edi Ramën me paratë e drogës dhe vota të blera. Ndaj protesta dhe qëndresa qytetare do të vazhdojë. Nga fati i kësaj beteje varet e ardhmja europiane e Shqipërisë. PD është në krah të njerëzve, është në krah të popullit”.

Postimi i plotë në Facebook i Kryemadhit:
“Pabesia dhe frika e Edi Ramës vazhdojnë të mbajnë në mënyrë krejtësisht antiligjore në burg protestuesit kuksianë!

Asnjë qytetar që ka protestuar për një taksë arbitrare dhe të padrejtë, nuk mund të penalizohet nga një drejtësi, që sot më shumë se kurrë tregoi qartas se është vegël e qeverisë.

Procedurat e ndalimit të protestuesve, mënyra se si u shoqërua dhe gjykimi i politizuar janë tregues i qartë i një pushteti të ri në duart e narkoqeverisë.

Asnjë raport ndërkombëtar, asnjë show në ERTV apo shfaqje “dashurie publike” për të tërhequr vëmendjen nga zullumet, nuk e shpëton dot Edi Ramën dhe qeverinë e narkotrafikut nga revolta e një populli, që sot më shume se kurrë po provon në kurriz hajdutërinë dhe padrejtësinë.

Opozita nuk do të lejojë maskaradën e kryeministrit që po tallet dhe që po luan me jetën e shqiptarëve të pafajshëm, që rëndohen çdo ditë e më shumë nga taksat e oligarkëve dhe burgosen padrejtësisht nga të komanduarit e Edi Ramës.

Ne do të jemi në krah të çdo proteste për të liruar kuksianët protestues, që sot janë simboli i qëndresës ndaj arrogancës së pushtetit. Beteja tyre me padrejtësinë është dhe beteja jonë!

Me çdo kusht e me çdo mjet demokratik do të jemi në mbështetje të kuksianëve, deri në lirimin e çdo protestuesi dhe rishikimin e taksës për Rrugën e Kombit”.

Continue Reading

Lajme

Mesazhe të koduara për Ramën? Tahiri flet edhe për News24: Kur të kem di si t’i bëj

Published

on

Ka vendosur të flasë për të gjithë, pas një heshtjeje jo pak të shkurtër. Ish-ministri i Brendshëm Saimir Tahiri ka ndërhyrë sonte në emisionin “Studio e Hapur” në News24 për të folur për reagimet ndaj deklaratës të tij (“Se besoj se do ketë dhe bir kurve që të më ndalojë për të bërë drejtësi”) si në media ashtu edhe nga politika. Ai tha se nuk ka çuar mesazhe të koduara dhe nëse do ketë nevojë të çojë mesazhe do t’i çojë drejtpërdrejt.

Lidhur me deklaratën e Ramës se është rritur nën hijen e tij, Tahiri tha se është privilegj për të që ka punuar me Ramën.

Cili është imprsioni që keni nga reagimi i mediave sot dhe interpretimin e tyre për praninë tuaj në Kuvend?
Ju deformoni. S’bëj mesazhe të koduara, i çoj drejtpërdrejtë.

E keni fjalën që ne po deformojmë, nuk ishte mesazh i koduar?
Jo aspak, unë kur kam për të çuar mesazhe e çoj në mënyrë të drejtpërdrejt skam nevojë për kode.

Unë nuk besoj që autorësinë e fjalorit të gjuhës shqipe mund ta mbajë një nga ne. Është një shprehje dhe vetëm kaq. Përpjekja jo vetëm e juaj për t’i dhënë nuanca mistike është e tepruar.

Po thoni që nuk keni mesazh për askënd?
Kur ta kem di si ta bëj. S’kam nevojë për mesazhe të koduara.

Pra edhe mund ta keni?
Unë tu përgjigja. Ky nuk ishte rasti,.

Rama tha që më vjen për të qeshur, thotë që jeni rritur nën hijen e tij. Keni një koment?
Jo, s’kam asnjë koment.

E pranoni që jeni rritur nën hijen e Edi Ramës?
Sigurisht që kam punuar me të dhe s’kam arsye ta mohoj. Nëse kjo quhet se jam rritur nën hijen e tij apo në rrezen e diellit… Për mua është privilegj që kam punuar me të.

Keni frikë nga arrestimi?
Kam frikë vetëm nga gënjeshtra dhe jo e vërteta.

Kurban i negociatave?
Nuk më shqetëson kjo. Nuk besoj që kjo është edhe e mundur të ndodhë.
Unë di të vërtetën time dhe jam i përkushtuar për të vërtetën time. Rrethanat e tjera janë të parëndësishme.

Do ktheheni në politikë?
Nuk kam ikur.

Continue Reading

Trending

Copyright © 2018, powered by Albgjithcka.