Connect with us

Teknologji

Se shpejti njerzimi do shkojn ne mars

Published

on

Elon Musk thotë se synon të dergoje njerez në Mars në vitin 2024.
Sipërmarrësi i makinave i tha një auditori në Adelaide, Australi, se ai do të fillojë ndërtimin e anijeve të nevojshme për të mbështetur misionin vitin e ardhshëm.
Ai thotë se është duke u përqëndruar në kompaninë e tij SpaceX për të punuar vetëm në një lloj makine që mund të bëjë të gjithë punën aktuale të firmës dhe udhëtimin ndërplanetar.
Musk në vitin 2013 ka bërë të ditur se synon të ndërtojë të ashtequajturen Mars Colonial Transporter, i cili do të kishte mundësi të transportojë madje 100 njerëz në Mars, me qëllimin përfundimtar krijimin e kolonisë së madhe marsiane

Continue Reading

Lajme

Mark Zuckerberg kërkon ndjesë

Published

on

Mark Zuckerberg kërkoi ndjesë para një Komiteti të Senatit amerikan, i ngritur për të hetuar shqetësimet që janë shpërfaqur në lidhje me përdorimin e paligjshëm të të dhënave personale të përdoruesve të Facebook.

Themeluesi i rrjetit social më të madh në botë u gozhdua keqas nga senatori Dick Durbin, me një grusht pyetjesh që ilustronin shqetësimin e drejtë të miliona personave të prekur nga rrjedhja e të dhënave private në Facebook pa dijeninë e tyre.

Senatori Dick Durbin: Zoti Zuckerberg, a e keni problem që të na tregoni emrin e hotelit ku qëndruat mbrëmë?

Mark Zuckerberg: Mmmm! Aaa… Jo!

Senatori Durbin: A mund të na thuash nëse i ke shkruar dikujt këtë javë? A mund të na thuash emrat e njerëzve që u ke shkruar?

Mark Zuckerberg: Senator, jo! Nuk do të zgjidhja që ta bëja këtë publikisht dhe këtu!

Senatori Durbin: Ti ke të drejtën e privatësisë tënde, por thelbi i gjithë kësaj është nëse janë pyetur përdoruesit e Facebook para se të përdoren të dhënat e tyre personale? A nuk duhet që të garantohet kjo?

Mark Zuckerberg: Po, unë besoj që gjithsecili duhet të ketë në kontroll informacionin personal që shpërndan.

Continue Reading

Teknologji

SHBA, nisin hetimet ndaj Facebook-ut

Published

on

Komisioni federal amerikan i Tregtisë njoftoi të hënën se po heton lidhur me praktikat e kontrollit të privatësisë nga ana e gjigandit të medias sociale, Facebook. Vendimi vjen pas raportimeve se të dhënat personale të dhjetëra miliona përdoruesve të Facebook-ut u kompromentuan nga kompania britanike e profilizimit të votuesve “Cambridge Analytica”.

Njoftimi i agjencisë së konsumatorëve i uli çmimet e aksioneve të Facebook-ut me 2 për qind të tjera, pasi një rënieje prej 14 për qind javën e kaluar që e uli vlerën në treg të kompanisë me 90 miliardë dollarë.

Agjensia federale normalisht nuk i njofton hetimet e saj, por ajo e konfirmoi nisjen e hetimit pas disa raporteve në shtyp javën e kaluar.

Shefi i përkohshëm i zyrës së mbrojtjes së konsumatorit Tom Pahl tha se: “Agjencia federale është plotësisht e përkushtuar të përdorë të gjitha mjetet e saj për të mbrojtur privatësinë e konsumatorëve. Në krye të tyre qëndron zbatimi i veprimeve kundër kompanive që dështojnë të respektojnë premtimet e tyre lidhur me privatësinë, përfshirë një marrëveshje të përbashkët amerikano-evropiane mbi privatësinë, ose që angazhohet në akte të padrejta që shkaktojnë dëmtime të konsiderueshme për konsumatorët në shkelje të garancive ligjore për mbrojtjen e konsumatorëve amerikane”, tha ai.

Praktikat e privatësisë në Facebook janë vënë në pikëpyetje në të dy anët e Atlantikut, pas zbulimeve se kompania “Cambridge Analytica” kishte marrë informacion të fshehtë rreth përdoruesve të Facebook-ut nga studiuesi britanik Alexsandr Kogan, i cili ishte autorizuar nga gjigandi i medias sociale për të mbledhur të dhënat si pjesë e një studimi akademik.

Zoti Kogan krijoi një aplikacion në të cilin 270 mijë përdorues të Facebook-ut ofruan informacione rreth vetes së tyre. Në tërësi, për shkak të lidhjeve të gjera të miqve në facebook dhe bashkëpunëtorëve të 270,000 përdoruesve të faqes së internetit, 50 milionë përdoruesve të Facebook-ut mund t’ju jenë komprometuar të dhënat e tyre personale.

Britania ka hapur një hetim ndaj kompanisë “Cambridge Analytica” si dhe ka konfiskuar të dhëna nga selia e saj në Londër.

Ministrja gjermane e drejtësisë Katarina Barley u takua të hënën me zyrtarë të Facebook-ut. Ajo bëri thirrje për rregulla dhe ndëshkime më të rrepta për kompani si Facebook-u.

Vetë gjigandi i medias sociale tha të hënën se mbetet “tejet i vendosur” për të mbrojtur informacionet e njerëzve dhe se do t’i përgjigjet pyetjeve të Komisionit amerikan Federal të Tregtisë.

Të dielën shefi i Facebook-ut Mark Zuckerberg u kërkoi falje përdoruesve për “shkeljen masive të besimit” nga kompania e tij.

Continue Reading

Teknologji

Skandali i Facebookut dhe Cambridge Analytica

Published

on

Kush është fajtori? Politikanët në Britaninë e Madhe duan shpjegime për keqpërdorimin e mundshëm të të dhënave private në mediat sociale nga firma Cambridge Analytica. Cambridge Analytica e pushoi nga puna kreun ekzekutiv të firmës Alexander Nix. Para kamerave të stacionit Channel 4 ai kishte përfolur katastrofën e firmës Cambridge Analytica. Fitoren zgjedhore të Donald Trump ai e kishte përvetësuar si sukses të fushatës së tij në mediat sociale, kishte pranuar se Cambridge Analytica është aktive edhe sferat e errëta me presion dhe shpifje, dhe se ajo ka mundësi në të gjithë botën të përgatisë mesazhe të prera sipas botëkuptimeve të përdoruesve.

Alexander Nix paraqitet si fajtori kryesor

Ndërkohë edhe një i punësuar tjetër deklaroi se fushata “Crooked Hillary” e kampit të Trumpit  është komanduar nga  Cambridge Analytica. “Të dhënat tona kanë çimentuar fushatën e tyre (të Trumpit).” Bazë e kësaj fushate ishin të dhëna nga mbi 5 milionë përdorues të Facebookut, të cilët u vlerësuan psikologjikisht dhe u motivuan e mobilizuan.

Cambridge Analytica u distancua të mërkurën nga ish-kreu ekzekutiv. “Deklaratat e tij nuk përputhen me vlerat apo mënyrën e veprimit të firmës”, thuhet dhe se pushimi i tij reflekton shkeljet e rënda të bëra. Po pretendon tani Cambridge Analytica se Alexander Nix e ka furnizuar me të dhëna i vetëm fushatën e Trumpit pa dijeninë dhe bashkëpunimin e menaxherëve të tjerë? CA pretendon po ashtu se të gjitha aktivitetet e saj janë legale. Gishti drejtohet tani kundër Alexander Kogan në fakultetin e psikologjisë së Universitetit të Cambridge.

Facebook Cambridge Analytica Whistleblower (picture-alliance/AP Photo/T. Camus)

Kogan nuk do të shpallet fajtor

E qartë është se analisti i të dhënave, Alexander Kogan ia ka ofruar të dhënat e rreth 5 milionë përdoruesve të Facebookut firmës Cambridge Analytica. Ai i kishte marrë ato për qëllime shkencore nga Facebook. Përmes vlerësimit të preferencave dhe informacioneve të tjera personale, ekspertët mund të zhvillojnë profile mjaft të sakta të përdoruesve, të cilat përdoren për qëllime publiciteti, ose si në këtë rast për ndikimin politik të votuesve.

Kogan mbrohet. Ai thotë se Cambridge Analytica i ka garantuar atij legalitetin e plotë absolut të aktiviteteve si firmë. Nuk kam qenë në dijeni, se me të dhënat bëhet diçka e jashtëligjshme, thotë eksperti.

Akuza të rënda kundër firmës mëmë të Cambridge Analytica

Ndërkohë gazeta “The Times” ngre akuza të rënda edhe ndaj firmës mëmë të Cambridge Analytica, SCL, Grupit Strategic Communication Laboratories. Kjo firmë punëson ekspertë, hakera, programues që punojnë në të gjithë botën për ndikim në zgjedhje apo manipulim të tensioneve politike. Kjo firmë ka një sfond ushtarak dhe me gjasë duket të ketë qenë aktive në Kenia, Karaibe, Libi, Pakistan dhe Indi. Të dyja firmat, SCL dhe Cambridge Analytica kanë qenë të angazhuara edhe nga qeveria britanike. Madje është ngritur edhe dyshimi, se ato kanë luajtur rol në fushatën për Brexit.

Marketing Messe - Cambridge Analytica (picture-alliance/dpa/C. Charisius)Alexander Nix

Mbrojtja e të dhënave e vonuar

E ngarkuara për mbrojtjen e të dhënave në Britaninë e Madhe, Elisabeth Derham ka pranuar në ditët e fundit, se ka muaj që është në gjurmë të një firme analitike, ku dyshohet për keqërdorim e shkelje ligjore. Por vetëm përmes një “whistlebloweri” dhe punës sqaruese të mediave, gazetës  “The Guardian” e kanalit Channel 4 u bë publik skandali.

Nga e hëna Denham kërkon lejen për kontrollin e hapësirave të Cambridge Analytica. Por kritikët thonë se Denham nuk ka shumë mundësi ndikimi. Ndërkohë komisioni i parlamentit britanik për Çështjet Digjitale dhe Median ftoi të martën themeluesin e Facebookut, Mark Zuckerberg. Ai duhet të prononcohet deri në mesin e kësaj jave dhe të ofrojë një orar bisedimi.

Opinionistët britanikë bëjnë thirrje për rregullim të mediave sociale dhe mbrojtje më të mirë të përdoruesve privatë. Prof. Ian Robertson, specialist në Universitetin e Warwick paralajmëron se është plotësisht e mundur që firmat analitike përmes vlerësimit të të dhënave private, ritualeve të blerjeve, likes etj të formojnë një profil të personalitetit të përdoruesve.

Përveç kësaj të dhënat tregtohen ilegalisht në të ashtuquajturin “darknet”. Robertson shikon çështje etike të pazgjidhura, nëse këto të dhëna përdoren për ndikimin e zgjedhjeve. Keqpërdoren të dhënat personale për të shpërndarë përmbajtje raciste, seksiste apo ilegale? Sidoqoftë skandali i Cambridge Analytica nxjerr në dritë mënyrën e përdorimit të të dhënave të mediave sociale, për të cilën miliona përdorues nuk kishin dijeni

Continue Reading

Trending

Copyright © 2018, powered by Albgjithcka.